Stúdíó 3
Listamenn með verkefni sem ekki krefjast hefðbundinna æfingarýma geta sótt um verkefnið Stúdíó 3. Þá fær listamaður aðstöðu í minnsta sal Dansverkstæðisins, sal 3 og faglegt samtal. Verkefnin geta verið af ýmsum toga en samtal við danssamfélagið er kostur.
2026 - Brothætt
Fyrsti listamaðurinn í Stúdíó 3 er dr. Steinunn Knúts Önnudóttir, sem vinnur að verkefninu Brothætt á Dansverkstæðinu á árinu 2026. Steinunn er sviðshöfundur og listrannsakandi sem vinnur með tilvistarlega sjálfbærni, tengslaskapandi nálganir og performatíf stefnumót. Samstarf Dansverkstæðisins og Steinunnar spannar tæpt ár þar sem hún fær vinnuaðstöðu og faglegt samtal.
Verkið Brothætt verður til sem röð rítúala. Fyrst er Heilunin - veggmósaík og hljóðverk sem nær hápunkti með viðburði á Dansverkstæðinu 8. apríl 2026. Annað ritúal nefnist Viðgerðin og fer fram í maí 2026. Loks er Fyrirgefningin í nóvember 2026.
